Fisherman er ferðaþjónn á Suðureyri sem hefur úrval af þjónustu og gistingu fyrir þig og þína. Hvort það er hótelherbergi, gistiheimili, tjaldsvæði, svefnpokagisting eða sumarhús. Við höfum þetta allt í boði og því spurning hvað hentar þér til að gera sumarfríið þitt ánægjulegt. Tengsl ferðaþjónustu og atvinnulífs í litlu vistvænu sjávarþorpi hefur notið vinsælda meðal okkar gesta. Hægt er að heimsækja þorskinn í lóninu, skella sér á sjóinn sem háseti á línubát, fara í stutta sjóstangveiðiferð, heimsækja fiskvinnsluna á staðnum eða fara í matarferð með leiðsögn um vistvænt sjávarþorp. Við erum stolt af því að vera fiskimenn í sjávarþorpinu Suðureyri og okkur langar að hjálpa þér að upplifa Sjávarþorpið Suðureyri. Skoðaðu úrvalið af gistingu og afþreyingu hér. 
Lesa meira

Það er svo merkilegt að Suðureyri er vistvænsta sjávarþorp á Íslandi, það er okkar sérstaða. Íbúar á Suðureyri eru mjög stoltir af því að búa og starfa við framleiðslu á hágæða vistvænum sjávarafurðum sem sendar eru daglega ferskar beint inn í verslanir um víða veröld. Á veitingahúsinu Talisman hefur lengi verið lögð alúð í að bjóða gestum með stolti þessar fyrsta flokks framleiðsluafurðir Íbúana, því við erum öll fiskimenn í sjávarþorpinu Suðureyri. Það er okkar menning sem við viljum bjóða þér að upplifa.

 Lesa meira

Kaffihúsið Kaupfélag Súgfirðinga opnar 31.maí og þar verður boðið upp á kafihúsamatseðil ásamt úrvalskaffi frá Kaffitár. 

Við bjóðum þrjá mismunandi valkosti í veitingum. Skyndibita í söluskála, léttar veitingar á kaffihúsi og hágæða framleiðslu heimamanna á sjávarréttaveitingahúsi. Verið velkomin að upplifa sjávarþorp í mat og drykk.

Á vef fisherman.is er rekin fiskbúð með fiskafurðir sem framleiddar eru á Suðureyri. Pöntunarferlið er einfalt, öruggt og fljótlegt. Fisherman sendir fiskinn á afgreiðslustaði Flytjanda um land allt og er flutningskostnaður fyrir sendingar 10 kg og yfir innifalinn í verðinu. Tvær greiðsluleiðir eru í boði: 1) með greiðslukorti 2) með því að senda pöntun á vefverslun@fisherman.is og millifæra inná reikning. Lesa meira

Fisherman rekur einnig dagvöruverslun og umboð fyrir N1 á Suðureyri. Í söluskálanum er að finna dagvörur, léttar veitingar, grillmat og smávegis bremsuvökva og fleira fyrir bílinn líka. þann 31.maí opnar Fisherman svo Kaupfélag Súgfirðinga þar sem gjafavara aðrar tækifæris vörur verða í boði í bland við flott kaffihús.

Vetraropnun Söluskáli 12:00 - 20:00 alla daga

Sumaropnun Söluskáli 10:00 - 21:00 alla daga

Sumaropnun Kaupfélag 09:00 - 23:00 alla daga