Fisherman er stoltur ferðaþjónn á Suðureyri sem er lítið og skemmtilegt sjávarþorp á Vestfjörðum. Fisherman tekur á móti gestum og býður þeim að taka þátt, upplifa og kynnast atvinnulífi og menningu á Suðureyri sem er talið vera vistvænsta sjávarþorp á Íslandi. Fjölbreytt úrval af vörum og þjónustu er í boði sem hægt er að skoða á forsíðu. 

Árið 2000 keyptum við hjónin lítið hús á Suðureyri sem til stóð að rífa. Við endurbyggðum húsið sem lítið gistiheimili og um vorið 2001 tókum við á móti fyrsta gestinum. Í gegnum árin höfum við stækkað reksturinn jafnt og þétt með því að fjölga herbergjum, breyta gistiheimilinu í hótel, opna veitingahúsið Talisman og síðan bættum við litlum söluskála við reksturinn. í maí 2013 bætist svo við kaffihúsið Kaupfélag Súgfirðinga ásamt fiskiskóla sem er partur af matarferðum sem er sérsniðin fyrir gesti sem vilja upplifa vistvænt sjávarþorp á rúmu klukkutíma. Einnig eigum við samstarfi við Bræðraverk ehf sem rekur vefverslun á heimasíðu okkar fisherman.is þar sem seldur er fiskur frá Suðureyri.

Fyrirtækið var áður partur af fyrirtækinu Hvíldarklett sem við hjónin stofnuðum árið 2000 en í júlí 2009 var fyrirtækinu skiptu upp á milli okkar og þeirra sem höfðu fjárfest með okkur í uppbyggingu á sjóstangveiði. Hvíldarklettur heitir núna Iceland Pro Fishing og sérhæfir sig í dag í sjóstangveiðiferðum. Okkar von er að þessi síða nýtist okkar góðu viðskiptavinum að kynnast okkur betur og að við fáum tækifæri til að koma okkar þjónustu og nýjungum á framfæri.