N�justu fr�ttir af fisherman.is

Um land allt � heims�kn

Sat, 20 Apr 2013 11:55:58 GMT

Stöð tvö heimsótti okkur í byrjun árs eftir mikinn storm og gerðu einn skemmtilega þátt sem heitir Um land allt. Þátturinn var sýndur á þrettándanum og með því að smella hér er hægt að horfa á þáttinn.

Fiskisk�li opnar � Su�ureyri

Sat, 7 Jan 2012 11:03:06 GMT

Fiskiskóli Fisherman eða Fisherman Cooking School, sagt á útlenskunni verður opnaður á Suðureyri með vorinu. Fisherman stendur fyrir endurbótum á húsnæði fyrir skólann um þessar mundir. Undanfarin ár hafa gestir komið með fisk sem þeir hafa veitt sjálfir eða fengið hjá sjómanni á höfninni og beðið okkur um að elda fiskinn fyrir sig. Það höfum við gert í eldhúsinu á Talisman en núna er verið að innrétta sér aðstöðu í gamla lagerrými Kaupfélags Súgfirðinga fyrir flottan fiskiskóla. Þar geta gestir upplifað gæðin í ferskum fisk og borðað fiskinn sem þeir lærðu að elda að hætti heimamanna.

Verkefnið fékk markaðsstuðning frá Vaxtasamningi Vestfjarða og Atvest sem mun gefa Fisherman kost á því að kynna þessa nýju þjónustu með enn meiri krafti en annars hefði verið hægt. Hægt er að lesa meira um Fiskiskólann hér.

Mikil t�kif�ri � snj� og kulda

Thu, 24 Feb 2011 12:11:52 GMT

Frétt af vef Íslandsstofu

Vænn hópur ferðaþjónustufyrirtækja fór nýverið í kynnisferð til Lapplands til að afla þekkingar með heimsóknum til fyrirtækja sem starfa við vetrarferðaþjónustu. Á undanförnum árum hefur eftir því verið tekið að fleiri ferðamenn heimsækja Finnland yfir veturinn er á sumrin. Finnar hafa lagt mikla áherslu á markaðsþróun og fræðslustarf sem var ítarlega kynnt fyrir hópnum. Athygli vakt það mikla samstarf sem er á milli rekstraraðila á hverju svæði. Finnsku fyrirækin standa sameignilega að rekstri markaðs- og kynningarskrifstofa auk þess sem slík fyrirtæki sjá um sameiginlegar framkvæmdir eins og viðhald gönguskíðabrauta o.fl.

Hið mikla framboð af gistingu og þjónustu kom hópnum á óvart. Í smábænum Ylläs www.yllas.fi eru 62 skíðabrekkur samtals 53 km og 30 lyftur auk yfir 400 km af gönguskíðabrautum. Þarna eru 20.000 rúm í hótelum og gistiheimilum og afar fjölbreytt úrval afþreyingar s.s. hundasleðar, vélsleðar, SPA hótel og ísdorg svo eitthvað sé nefnt.. Aðrir bæir eins og Levi www.levi.fi eru með 23.000 rúm og 2,5 milljónir gistinótta. Ljóst er að þarna hefur stuðningur Evrópusambandsins við uppbygginguna skipt miklu og stutt m.a. við markaðsstarf. Þeirra vandamál er hinsvegar að nýta alla þessa uppbyggingu yfir sumarið öfugt við Ísland.

Hópurinn samanstóð af fulltrúum fyrirtækja sem eru þegar starfandi í ferðaþjónustu og með áform um þróun þjónustu yfir veturinn sem og annarra sem miðlað geta þekkingu til greinarinnar. Þátttakendur voru frá Ferðaþjónustu bænda, Fisherman.is, Mounatineers, Icelandair, Hótel Heklu, Markaðsskrifstofu Vestfjarða, Ferðamálafulltrúi uppsveita Árnessýslu, Höfuðborgarstofu og Ferðamálastofu auk fulltrúa Íslandsstofu sem önnuðust skipulagninguna í samvinnu við heimamenn.

Fer�a�j�nar � t�u �r

Sun, 2 Jan 2011 18:53:19 GMT

Þann 30.desember árið 2000 stofnuðum við félag um endurbyggingu Aðalgötu 14 á Suðureyri sem til stóð að rífa. Um vorið opnuðum við lítið gistihús sem hét VEG gisting. Á þessum tíu árum hefur litla gistihúsið þróast, þroskast og stækkað í Fisherman hótel Suðureyri sem er nú þriggja stjörnu hótel með veitingasal sem nefnt var veitingahúsið Talisman. Á þessum tímamótum viljum við þakka okkar viðskiptavinum í gengum árin fyrir viðskiptin og þeirri vinsemd sem þeir hafa sýnt okkur. Viljum við einnig þakka sérstaklega öllu því starfsfólki sem unnið hefur með okkur að uppbyggingu fyrirtækisins í gengum árin.

Elías og Jóhanna

Hvenig er h�gt a� draga fram karakter sj�var�orps ?

Fri, 10 Dec 2010 08:50:06 GMT

Sjávarþorpið Suðureyri ehf og Ferðamálastofa voru að klára skemmtilega samantekt um möguleika menningarheildar Suðureyrar við uppbyggingu ferðaþjónustu. Hvernig er hægt að draga fram karakter sjávarþorps var spurningin sem vinnuhópurinn lagði upp með í upphafi. Niðurstaðan var framar vonum og komu mörg verkefni upp á yfirboðið í þessari vinnu. Tólf verkefni verða unnin áfram en öll snúa þau að bættu umhverfi þorpsins sem spennandi áfangastaðs ferðamanna og ekki síst sem betri búsetukost íbúanna. Verkefnið verður kynnt frekar á spjöldum í félagsheimilinu eftir tendrun jólaljósa nú í desember. Verkefnin tólf sem vilji er að vinna áfram eru hér að neðan og þeir sem vilja taka þátt í þessum verkefnum eru beðnir að gefa sig fram í vinnuhópa. Hóparnir safna síðan styrkjum í verkefni og finna bestu leiðina til að koma verkefnum sameigilega í framkvæmd.

Verkefnin eru

1. Bætt aðgengi að þorskinum í lóninu.

2. Göngustígagerð.

3. Breyta stiga að skáldin á Þröm ( Nýr sem nær upp á Hjallaveg )

4. Minningarljós ( Nýir ljósastaurar)

5. Nostalgía við Rómarstíg ( Endurbygging á 120 ára aldamótaþorpi )

6. Menningarminjar, hlaðinn veggur við Stefnisgötu.

7. Útikennslustofa í skógrækt.

8. Endurbætur á svæði frá tjörn að höfn.

9. Veðurviti.

10. Ketill - Gistiskáli.

11. Lónið - Snerting við hafið.

12. Áningarstaðir við göngustíg.

Smokkaleysi fj�lgar �b�um � Su�ureyri

Thu, 18 Mar 2010 19:42:40 GMT

Núna er Hagstofan búin að telja alla þá sem voru með skráð lögheimili á Suðureyri 1.janúar 2010. Í upphafi árs voru íbúar á Suðureyri 317 talsins og hefur þeim fjölgað úr 313 frá fyrra ári. Fjölgunin er undir landsmeðaltali en það sem vekur skemmtilega athygli er að rúmlega helmingur íbúa er nú yngri en 30 ára sem segir okkur að meðalaldur íbúanna er að lækka verulega. Barneignir hafa verið með besta móti á Suðureyri að undanförnu og fylgir því nýtt gæðavandamál sem komið er upp á Leikskólanum Tjarnabæ þar sem nú er biðlisti eftir leikskólaplássum í fyrsta sinn í mörg ár. Suðureyri er eini byggðakjarninn innan Ísafjarðarbæjar þar sem íbúum fjölgun þetta árið og er einnig eini byggðakjarni Ísafjarðarbæjar þar sem íbúum hefur fjölgað undanfarin fjögur ár. Gárungarnir segja að fjölgunin stafi af því að ekki hafi verið seldir smokkar í sjoppunni undanfarin ár eða síðan brotist var þar inn um árið til að ræna þeim smokkum sem eftir voru í þorpinu.

Fisherman opnar endurb�tta vefs��u

Wed, 17 Mar 2010 17:15:54 GMT

Nú hefur Fisherman á Suðureyri endurnýjað vefinn sinn með aðstoð frá Magnúsi Hávarðarsyni hjá Styx ehf á Ísafirði. Vefurinn keyrir á kerfinu WebSmith CMS þar sem stjórnendum vefsins gefst kostur á því að lagfæra efni jafnt og þétt með eigin stjórnhluta. Kosturinn við nýja vefinn er sá að hægt er að bóka gistingu og borð á veitingahúsinu Talisman beint af vefnum með bókunarkerfi. Vefverslun með greiðslukerfi var sett á vefinn í vetur og er hún enn til staðar. Fréttaveita með fréttum frá Suðureyri er nýjung á vefnum og þar verður kappkostað að segja frá skemmtilegum fréttum frá Suðureyri.